“Библиосәпит”не нәрсә белән ашыйлар?

Бүген – Гомумрусия китапханәләр көне. Шушы уңайдан 31 майда Казанда “Китапханә паркта” дигән зур бәйрәм үткәреләчәк.

Бәйрәм программасында 14.00дән 19.00гә кадәр “ачык микрофон”, төрле ярышлар, лекторий, күргәзмәләр, остаханәләр, балалар мәйданчыгы, әдәби квест, библиосәпит, фотомәйданчык, буккроссинг, викториналар була, дип вәгъдә итә оештыручылар. Әлегә алар вакыйга турында тулырак мәгълүмат бирми – ахры, тамашачыларны серлелек ярдәмендә җәлеп итәргә уйлыйдыр, мөгаен. Югыйсә, мәсәлән, “ачык микрофон”, “библиосәпит” (библиовелик), ”лекторийлар” дигәндә нәрсә күздә тотыла – бик беләсе килә. Тик моның өчен “Китапханә паркта” чарасында катнашырга кирәк булачак...

Бәйрәм ТР Милли китапханә каршында, Кремль урамында 14.00дә башлана