Бик тәмле чебурек рецепты

Пәрәмәч бик тәмле, ләкин аны пешерү шактый мәшәкатьле, ә менә чебурек шулай ук тәмле булса да, алай мәшәкатьле түгел. Май да әзрәк китә.

Камырга:
1 стакан кайнар су, 2 аш кашыгы эретелгән ак май, тоз, он, 1 йомырка

Эчлеккә:

 Фарш, суган, тоз, борыч

Рецепт: Кайнар суга май, тоз, он салып болгатабыз, иң азактан йомырканы салабыз һәм йомшак кына камыр басабыз. Юка гына итеп түгәрәкләр җәябез. Суганлы фаршка бераз су салып болгатабыз. Эчлекне камырга җәябез, кырыйларын чәнечке белән кыстырып чыгабыз. Табага бер-ике сантиметр үсемлек мае салып, утка куябыз һәм кызганын көтәбез. Чебурекны һәр ягыннан кыздырабыз. Тәлинкәгә кагазь тастымаллар җәеп, пешкән чебурекларны куябыз.