"Бәллүр каләм" премиясенә старт бирелде

"Бәллүр каләм" премиясенең оештыру комитеты хәбәр иткәнчә, конкурска гаризалар кабул ителә башлаган. Быел конкурс егерме өченче тапкыр уздырыла. Журналистлар өчен түбәндәге номинацияләр тәкъдим ителә:

 "Һөнәргә тугрылык"

"Елның иң яхшы редакциясе"

"Елның иң яхшы журналисты",

 "Объектив аша караш"

"Туган тел"

Әлеге номинацияләр кысаларында 2020 елның махсус проектлары – «Россия Федерациясендә театр елы», "Бөтенроссия халык санын алу - 2020", "Бөек Ватан сугышында Җиңүнең 75 еллыгы" ," ТАССР төзелүнең 100 еллыгы", " Татарстан Республикасында эшче һөнәрләр елы", " WorldSkills Kazan 2019 дөнья чемпионаты" исәпкә алына. 

Конкурска эшләр 13 апрельгә кадәр түбәндәге адрес буенча кабул ителә: 420080, Казан ш., Декабристлар ур., 179нчы йорт.

 Эшләр «ТР журналистикасы һәм массакүләм мәгълүмат чаралары өлкәсендә «Бәллүр каләм» XXIII конкурсына (премиягә)» тамгасы белән тапшырыла. Мәгълүматны (843) 555-85-11, 555-76-03 телефоннары аша ачыкларга була.