Боз кузгалды. Тукталмасын гына!

Бүген Баулыда көрәш буенча яшьләр арасында ярышлар узды. Әлбәттә, бәйге Балаларны яклау көненә багышлап уздырылды.

Алдагы язмаларның берсендә искәртеп узганчы, моңарчы көрәшчеләре була торып та, Баулыда татарча көрәш игътибар үзәгендә булды дип әйтә алмыйбыз. Республикакүләм бәйгеләргә бу төбәктән көрәшчеләр килүе дә бик сирәк кенә була иде. Ә бит Вил Усманов кадәр Вил Усманов шушы төбәкне икән, димәк, анда көрәшчеләр булуы табигый хәл. Аннан килеп, әнә Илнур Хәйруллин кебек көрәш фанаты язганча, Фәнис Яруллин кебек каһарман шәхесне биргән төбәк тә бит әле бу. Димәк, бары тик бозны кузгатып җибәрергә генә кирәк булган.

Һәм менә Вил Усманов безгә соңгы ярты елда чираттагы тапкыр шалтыратып, үзләрендә көрәш бәйгесе узу турында хәбәр итте. Димәк, боз чыннан да кузгалган дияргә була. Бер төркем фикердәшләр җыелып сөйләшкәннән соң, районда көрәш федерацисе дилбегәсен үз кулларына Риф Ринат улы Васикой алды. Ә көрәшкә битараф булмаганнар, фанатлар алар һәр төбәктә бар, аларны илһамландырып торучылар гына кирәк. Нәтиҗә буларак, Баулы районында да яшьләр һәм өлкәннәр арасында бәйгеләр уза башлады, ниһаять, шушы төбәк көрәшчеләре дә республикакүләм турнирларга йөреп, тәҗрибә туплау мөмкинлегенә ия булды. Бу эш дәвамлы булсын иде, дигән ышанычта калабыз.

Әлеге хәбәрне һәм фотоларны безгә җиткергән Илнур Хәйруллинга зур рәхмәт җиткерәбез!