Бөтнектән кайнатма

Өстәл түрендә күңелле, яшел төстә булып тора.  Килгән барлык кеше гаҗәпләнеп карый, нәрсә икәнен сорый һәм кабып карарга ашыга. Бөтнек кайнатмасы ашап караганыгыз булдымы? Юк икән, нәкъ вакыты. Бөтнекнең хәзер иң хуш исле, тиз үсә торган чагы.

Нәрсә кирәк булачак:

* 250 г бөтнек (мята перечная)сабаклары һәм яфраклары;
* 1 лимон;
* 300 г шикәр комы;
* 0,5 л су.

Нишләргә:

Бөтнекне юып, вак итеп турарга. Лимонны да вакларга. Барысын бергә кәстрүлгә салып, өстеннән 0,5 л сусалып кайнатып чыгарып, уттан алабыз да, бер тәүлеккә суыткычка куябыз.
Икенче көнне, суын сөзеп, шуңа шикәр комы кушабыз һәм янә утка куеп, кайнатып чыгарабыз. Пыяла банкаларга кайнар килеш агызып, калай капкач белән томалыйбыз.

Бөтнектән шундый ук ысул белән желе да ясарга була. Шикәр өстәгәннән соң, желе да салып кайнатасы гына була.