Бу - дөрес сәясәт

Россия Конституциясендә гаилә мәсьәләләренә кагылышлы сорауларны беркетү аерылышуларның санын киметер, ә яңа туган балалар санын арттырыр, дигән фикердә ТР Дәүләт Советы рәисенең урынбасары Татьяна Ларионова:

«Безне Россия күләмендәге аерылышу, балалар тууының кимүе, халыкның озын гомерле булмавы кебек мәсьәләләр борчымыйча кала алмый, билгеле. Шуңа да гаилә институты белән бәйле сорауларның канун дәрәҗәсенә күтәрелүе, минемчә, бик мөһим. Илебезнең сәясәтендә гаилә һәм балаларның өстенлектә булуы – иң дөрес карар»
Шул ук вакытта Татьяна Ларионова илнең Төп кануннарында яшьләр сәясәтенең беркетелүен дә хуплады. Ул шулай ук Татарстанда федерациянең башка регионнарыннан иң беренчеләрдән булып Яшьләр эшләре буенча Министрлык төзелүен дә искәртеп узды.