Бурыч өчен - Audi

Миллион сумнан артык кредиты өчен Яр Чаллы хатынының Audi A5 машинасын алып калганнар.

Хатын-кыз машинаны залогка куеп, кредит алган булган. Процентлары артканнан соң бурыч күләме 1,3 миллион сумга баскан. Кредит биргән оешма судка мөрәҗәгать иткән.
Суд карары буенча чит ил машинасы алынган һәм кредит оешмасына саклауга бирелгән. Әгәр бурычын түләмәсә, машинаны сатачаклар һәм шуның исәбенә кредитны каплыячаклар.