Чаллыда яшәүче татар кызының тавышын бөтен Нью-Йорк тыңлый

Нью-Йорк хакимияте рус телендә сөйләшүче халкы өчен коронавирустан саклану чаралары турында аудиоязма яздырган. Андагы текстны “АИГЕЛ” электрон хип-хоп дуэтының солисты Айгөл Гайсина укый.

Җырчы һәм диктор россиялеләрнең бу хәбәр белән кызыксынуларын күргәч, илһамланып, коронавирустан сакланырга кирәклеге турында татар телендә сөйләгән видеосын Инстаграмга куя. Әйтергә кирәк, ул видеосы да Айгөлнең язылучылары тарафыннан яратып кабул ителә.

Фото Айгөл Гайсинаның Инстаграм сәхифәсеннән алынды.