Чәчкәләрнең кайсын сайларга? (киңәшләр)

8 март - хатын-кызларның күңеле күтәрелә, ә ир-егетләрнең кесәләре бушый торган көн. Чәчәк кибетендәге чиратның зурлыгын әйтеп тә торасы юк. Ә шулай да чәчкәләрнең ниндиен сайларга кирәк соң? Шул турыда сөйләшеп алыйк әле.

Беренчедән, әзер букетларны сатып алмаска тырышыгыз. Кайбер сатучылар бәйләмгә иске чәчәкләрне өстәргә мөмкин. Чәчәк сайларга 10 минутыгызны да җәлләмәгез. Хәтта арзан бәя өчен әзер букет алу сезне ахыр чиктә авыр хәлдә калдырырга мөмкин. Бу сатучының ятып калган тауарны сатарга теләвенең ышанычлы билгесе. 

Икенчедән, чәчәк кибетендә чәчәкләр исе килергә тиеш. Хлор да, күгәрек тә исе түгел, ә нәкъ менә чәчәк исләре катнашмасы. 

Өченчедән, чәчәк яфрагына игътибар итегез - алар яшел булырга тиеш. Яшел төстә булмавы чәчәкләрнең озак торуы турында сөйли. Кайбер сатучылар, үз чиратында, аларны кискәннәр дип белдерергә мөмкин.

Дүртенчедән, бутон (чәчәк бөресе). Яшьрәк чәчәкнең бөресе ачыла гына башлый. Шуңа күрәчәчәк бәйләмен иң аз санда ачык бөреләр белән җыярга кирәк. Тик бу хризант, цинний, гортензиягә кагылмый. Чәчәк таҗы шома булырга тиеш. 

Бишенчедән, ялтыравыклар белән бизәлгән яки буялган чәчәкләрне алмагыз. Ул ялтыравыклар кипкән таҗларны яшерер өчен кулланыла. 

фото: pixabay.com