CheekLaWeek төркеменнән яңа альбом - "Уф йөрәгем"

Зәринә Вилданова "Мин татарча сөйләшәм", Tat Cult Fest, "Үзгәреш Җиле" һәм "Безнең җыр" фестивальләре буенча Казан тамашачысына таныш җырчы. Күптән түгел генә аның CheekLaWeek (Чикләвек) төркеме дебют альбомын чыгарды. Альбом экспериментларга корылган һәм "Уф, йөрәгем" дип атала.

CheekLaWeek-латин һәм регга элементлары булган, гитара, баян, дарбуке һәм контрабаста уйналган заманча татар world music.

Төркем составында Казан музыкантлары Ринат Рысьмәтов (гитара), Алмаз Әсхәдуллин (баян), Альберт Садретдинов (перкуссия) һәм Айдар Закиров (контрабас) бар. Ә проект исә иске җырларны яңача уйнау идеясеннән башланып киткән. Бүгенге көнгә кадәр үз тамашачысын табарга да өлгерде. Шуңа да карамастан, музыкантлар "Кем без?", "Кая барабыз?", "Экспериментларда никадәр ерак китә алабыз?" сорауларына җавап эзли икән.

Альбомдагы җырлар 15 февральдә "Соль" клубында яңгыраячак.

Фото: Вконтакте