«Черек күл» паркында психолог белән очрашуда казанлыларга эмоциональ яну турында сөйләячәкләр

22 нче майда Казанның «Черек күл» паркында психолог белән чираттагы түләүсез очрашу узачак. Лекциянең темасы –эмоциональ яну.

Психолог Марина Батыршина катнашучыларга эмоциональ януга каршы ничек көрәшергә, аның билгеләре һәм стадияләре, ул кайсы ягы белән куркыныч һәм аны нәрсә белән бутарга мөмкин булуы турында сөйләячәк.

Чара 13:00 сәгатьтә җәйге йортның икенче катындагы террасада башлана (яңгыр яуса, очрашу беренче катта булачак). Килергә теләүчеләргә сылтама буенча теркәлергә кирәк, дип хәбәр итә Казанның Парклар һәм скверлар дирекциясе.

Исегезгә төшерәбез, һәр якшәмбе «Черек күл» паркында психолог белән очрашулар уза.