Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    ЧИРМЕШӘН ЕГЕТЛӘРЕ МЕДАЛЬЛЕ БУЛДЫ!

    Татарстан быел юбилейларга бай булды. Чирмешән районы да гөрләтеп 90 еллыгын билгеләп узды. Әлеге уңайдан районда истәлекле медаль дә гамәлгә куелды! Олуг бүләк белән иң лаеклылар гына бүләкләнде.

    Автор фотолары

    Һәркемгә үзенең туган ягы кадерле, бигрәк тә туган авылы. Буй җитеп кем кайда гына тормышын корса да, гомер буе бәләкәй генә авылын, аның табигатен, кешеләрен сагынып яши. Төпләнеп яшәгән җирендә якташларын, фикердәшләрен эзли. Казанда Татарстан районнары якташлык җәмгыятьләре төзелгән, аларның төрле дәрәҗәдә эшли торганнары бар.

    Казандагы халык сәнгате һөнәрләре техникумы директоры Раушания Сәүбәнова җитәкләгән Чирмешән якташлар җәмгыяте - алар арасында иң активларының берсе. Биредәге очрашуларда райондагы үзгәрешләр, уңышлар, шулай ук хәл ителеп җитмәгән һәр мәсьәлә уртага салып сөйләнелә.

    Реклама

    Быел Чирмешән районына 90 ел. Шушы күркәм юбилей уңаеннан районда көз аенда ук зур бәйрәм оештырылган иде. Район үз якташларын үзәк мәйданга  җыеп тантаналы чара уздырды.

    Ә инде бәйрәм елына нокта кичә Казанда куелды. Казандагы якташлар “Татмедиа” бинасына җыелып Чирмешәннең күренекле шәхесләре белән җылы кичә оештырды. ТР Чирмешән районы Башкарма комитеты җитәкчесе Илфат әфәнде Шәйдуллин республика күләмендә абруй казанган, район данын таныткан шәхесләргә “Татарстан Республикасы Чирмешән районына 90 ел” истәлекле медале белән бүләкләде.

    Очрашуда Чирмешән районын озак еллар җитәкләгән, ТР атказанган авыл хуҗалыгы хезмәткәре, Чирмешән муниципаль Советы депутаты Минсәгыйть Шакиров район тарихыннан гыйбрәтле сәхифәләр сөйләде.

    Раушания Сәүбәнова җәмгыять яңалыклары белән таныштырды. Җыр, гармун моңы белән үрелеп барган кичәдә һәркем үз тормышы, туган якка булган мәхәббәтләре хакында да бәян итте. Шулай ук, быел арабыздан китеп барган шәхесләрне дә искә алдылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе