Чүп-чар яткан җир урынына - пляж

Казан янында - Югары Осланда тагын бер пляж барлыкка киләчәк. Проектның якынча эскизларына караганда, ул “Кама диңгезе”нә охшаш булачак.

Биредә шезлонглар, зонтиклар, киенү, душ бүлмәләре, яр буенда һәм кафе, велоюллар булачак. Дөрес, казанлылар үзләрен чит илдә итеп хис итмиячәк, әмма яңа пляж тәмәке, чүп-чар яткан җиргә караганда күпкә яхшырак.

Кешеләр әлеге урынның, ниһаять, чиста буласына сөенәләр. Ләкин кайберәүләр суга чумарга хыялланмый, чөнки су яшел-коңгырт төстә. Пляжда бары тик кызынырга гына мөмкин булачак дип саный алар.

Башка фикер дә бар, мондый судан мораль яктан гына зыян күрергә мөмкин. Аңа бик озак карап торсаң, 100 процент чиста булып күренә башлый икән.

Пляж 2020 елда ук әзер булыр дигән өмет бар.