Димитровградка Татарстан ике команда алып бара

Бу ял көннәрендә Димитровград шәһәрендә көрәш буенча Идел буе шәһәрләре турниры узачак. Татарстан бирегә ике команда алып бара.

Татарстанның көрәш федерациясе башкарма директоры Равил Хәйруллин сүзләренә караганда, ярышлар яшьләр арасында һәм олылар арасында узачак. Һәр ике категориядә дә татарстанлылар алтышар көрәшче алып бара. Башкарма директор искәрткәнчә, олылар арасындагы ярыш мастерлык статусына ия, яшьләр исә спорт остасына кандидат исеме алырга мөмкин.

Шулай итеп, зурлар арасында Димитровградка түбәндәге көрәшчеләр барачак: Дмитрий Гайниев, Рөстәм Салахов, Илшат Таһиров, Айрат Хәйруллин, Данис Закиров һәм Айрат Фәтхуллин. Олылар арасында тренер итеп Җәүдәт Хөсәенов билгеләнгән.

Яшьләр арасында исә Татарстан данын Айнур Каюмов (Чаллы), Самат Нәбиуллин (Киров-Мәскәү районы), Салават Гәрәев (Саба), Рәсүз Акберов (Минзәлә), Николай Захаров (Лаеш) һәм Әлмир Мифтахов (Арча) яклаячак. Яшьләр белән Илһам Волков җитәкчелек итәчәк.

Моннан тыш, ярышларга хөкемдар булып Динар Зиннәтуллин һәм Әүхәт Мөхәммәдиев, шулай ук команда җитәкчесе булып Равил Хәйруллин үзе дә барачак.