Дөнья пәрәвезеннән "колак кактык"

Россиядә автоном Рунет турында закон рәәсми рәвештә үз көченә керде. 

«Россия дөньякүләм интернет-киңлекнең бер өлеше булып калачак, әмма киләчәктә Рунеттагы Россия сегментының тотрыклылыгы артачак кына», - дип белдерделәр РФ Цифрлы үсеш, элемтә һәм гаммәви коммуникацияләр министрлыгы матбугат хезмәтендә.

Әлеге закон нигезендә, әгәр интернетның Россия сегменты эшенә куркыныч тудыра торган факторлар барлыкка килсә, Роскомнадзор ил территориясендә гомуми файдаланудагы элемтә челтәре белән үзәкләштерелгән тәртиптә идарә итүне үз өстенә ала алачак. Россия Министрлар Кабинеты идарә итү тәртибен раслаячак һәм куркынычларның төрен билгеләячәк.

Мәскәүдә Гомуми файдаланудагы элемтә челтәре белән идарә итү һәм мониторинг үзәге, федераль округларда исә ярдәмче үзәкләр булдыру күздә тотыла.

Бу законны чынга ашыру байтак вакытны алырга мөмкин. Моны без Кытай мисалында күзәтәбез. Кытайда интренет изолятив хәлдә эшли.

Чыганак: tatar-inform