Эстрадада ниләр бар: Гөлназ Асаева оятсыз, Тямаев оятка калган!

Гөлназ Асаева шәрә (шәрә диярлек) фотосын инстаграмында  урнаштырган, Тямаевның чалбары ертылган. Әллә нәрсә уйлый күрмәгез, бу хәлләр бер-берсенә берничек тә бәйләнмәгән.

Татар эстрадасы инстаграмында яңалыклары шундыйрак.

Гөлназ Асаева бик матур фотосессия ясап инстаграмына урнаштырган. Әгәр фото астына "Бигрәк оятсыз фото булган бу, әйеме?"  димәгән булса, укучылары аның оятсыз булуын бәлки сизми дә калган булыр иде... Асаеваның бу фотосын карарга берничә көн эчендә бик күп кеше җыелган. Комментарийлар да бик төрле. Кемдер быелгы кыш турында шаярта, кемдер җырчыны мунча керергә чакыра.

@asaeva_official

Җырчы Фирдус Тямаев атна саен яңа кәчтүм алырга мәҗбүр. Күптән кием кибетен алыштырасы булган.

Аның чыгышлары шул хәтле экспрессив, чалбар бу кибеттән алган  күлмәк, чалбарлары түзми."Уууфф, үләм! Просто сүз юк. Оятка калдым! То күлмәк, то чалбар», – дип язган Фирдус пост астында.