Элвин Грей китә. Мәскәүгә

Элвин Грей моңарчы булган тормышына нәтиҗә ясап, киләчәккә планнар белән уртаклашты. Социаль челтәрдәге сәхифәсендә.

Вконтакте челтәрендәге сәхифәсендә эстрада йолдызы Радик Юльякшин (Элвин Грей) "Эпилог" дигән башисем белән шәп кенә пост урнаштырган. Анда ул үзенә тиздән (17 майда) 30 яшь тулуы турында хәбәр итә һәм киләчәккә планнары белән уртаклашып, узганнарга йомгак ясый.

"Милли сәхнәдә 14 ел вакыт - аз түгел. Бик күп нәрсә эшләнде. Элвинг Грей лейблы булдырылды, алга таба ул Казанда урнашачак һәм яңа артистларга, милли эстрададагы яңа проектларны тудырачак. Башкорт һәм татар эстрадасы кысаларында планлаштырганнарның барысын да эшләдем.  Эшләнгән эшләргә нәтиҗә турында мин бәя бирә алмыйм", дип яза ул.

Радик бу юнәлештәге эшнең дәвам итәчәген искәртә.

Ә инде 2020 елдан ул Мәскәү шәһәренә кайтырга җыена икән. "Анда мин яңа өлкәдә эшләячәкмен. Продюсерлык һәм сольный контент белән шөгыльләнәчәкмен. Юк, мин сәхнәдән китмим. Концертлар булачак, әмма башка төрле һәм башка масштабта. Бу хакта соңрак. Әлегә ике республика башкаласында юбилей концертларында очрашырбыз. 2019 елда Уфа һәм Казандагы ике сольный концерттан башкалары планлаштырылмаган", - дип тәмамлый үз постын Элвин Грей.

Эпилог булмасын, матур гына башлам булсын бу!