Элвин Грей нигә аты-юлы белән сүгенә

Җырчы Элвин Грей күптән түгел үз Инстаграм сәхифәсенә видео элгән. Әлеге видео шактый зур шау-шу чыгарды. Язмадан аңлашылганча, инста блоггер Булат Бравоның машинасы яна башлаган. Шул вакытта Радик Юльякшин һәм аның командасы янәшә булганнар. Блоггерның машинасын бергәләп сүндергәннәр. Радик Юльякшинның иҗатташы Бабек Мамедрзаев булдыра алганча ярдәм иткәне күренә. Ә Радик шул вакытта әлеге хәлне сүгенә-сүгенә, видеога төшергән. Кайберәүләр фикеренчә бу махсус төшерелгән видео. Чөнки яшьләр машинага балчык тутыру яки  су сибү урынына һәр  машина багажнигында йөрергә тиешле огнетушительны куллана алырлар иде.

Әлеге вакытта видеоны 150000 ләп кеше караган. Язма астында комментарийлар да шактый җыелган. Комментарийларда кайберәүләр бу хәлдә машина гына зыян күргәнгә куанса, икенчеләр Элвин Грейны ярдәм итешмәүдә һәм сүгенүдә гаепли.