Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      733
      0
      5

    Эшче яшьләр өчен мөһим яңалык

    Татарстанда эшче яшьләр арасында уза торган IV “Наша время – Безнең заман” фестиваленә гаризалар кабул ителә башлады.

    Бүген бу хакта бәйгене гамәлгә куючылар – ТР сәнәгать һәм сәүдә министрлыгы, ТР яшьләр эшләре министрлыгы, ТР мәдәният министрлыгы вәкилләре, проектның идея авторы һәм оештыручысы “Созвездие-Йолдызлык” иҗтимагый оешмасы рәисе Дмитрий Туманов “Татар-информ” мәгълүмат агентлыгында журналистларга сөйләде.

    Реклама

    Бәйгедә оешма һәм предприятиедә эшләүче 18-35 яшьлек кешеләр катнаша ала. Алар үзләре генә дә, төркем белән дә “Музыкаль юнәлеш”, “Бию юнәлеше”, “Минута славы” кебек номинацияләрдә чыгыш ясарга мөмкин. Фестваль 16 ноябрьгә кадәр дәвам итә.

    Катнашучыларны финалга зоналар буенча сайлап алачаклар. Төп финал 13-14 ноябрьдә Казанда үтә. Барлык этапларда да Россия һәм Татарстанның әйдәп баручы укытучылары мастер-класслар оештырачак. Фестиваль телевизион булып санала. Гала-концертлар яздырылып “Яңа Гасыр” телеканалыннан күрсәтелә. 

    Җиңүчеләр һәм лауреатларга диплом, истәлекле бүләкләр, акчалата премияләр тапшырылачак. Фестивальнең Гран-при иясен диплом, ТР Президентының күчмә кубогы һәм 250 мең сум күләмендә премия көтә. Гала-концертны 16 ноябрь көнне “Пирамида” сәхнәсендә күреп булачак. Мәгълүм булганча, әлеге фестивальдә Гран-прины өч ел рәттән Рифкать Миңнеханов җитәкчелегендәге ГБУ “Безопасность дорожного движения” егет-кызлары алып барды. Чараның положениесы буенча алар быел төп бүләккә дәгъвә итә алмый. Журналистлар белән очрашуда Рифкать Миңнеханов: “Гран-прины быел безгә бирмиләр. Башкалар да курыкмыйча катнашсыз”, – дип шаяртты да әле. Шуңа да эшче яшьләрне фестивальдә катнашып, үз осталыкларын күрсәтергә, яңа дуслар табарга, ачышлар ясарга өндибез. Дмитрий Туманов әйтүенчә, моның өчен аларга өстәмә хезмәт хакы да түләнә әле. Шулай ук юл, ашау-эчү, яшәү чыгымнары да каплана.

    Нравится
    Поделиться:
    Комментарии (0)
    Осталось символов:
    Реклама