-
Арчалылар Тинчурин театрында кунакта Кәрим Тинчурин исемендәге татар дәүләт драма һәм комедия театрында “Арча якташлыгы” җәмәгать оешмасының чираттагы очрашуы узды.
-
Киләсе атнада 19 градус җылы булачак Ниһаять, без көткән яз килә...
-
«127 кг авырлыктагы кәләш матур буламы соң инде?» - булган хәл 4 айдан соң кунаклар кияү егетен башка кызга өйләнгән икән дип уйлаганнар...
-
Г.Тукайның 135-еллыгына һәм Н.Җиhановның 110-еллыгына багышланган концерт узды "Quaternion" квартеты профессиональ музыкантларның гына түгел, ә чын сәнгатьне яраткан барлык тамашачыларның да күңеленә үтеп керерлек итеп уйнады.
-
Таксистның көчләвеннән уянып киткән... Полициягә пәнҗешәмбе көнне 37 яшьлек хатын-кыз мөрәҗәгать итә...
-
«Приехал»мы, «Съездил»мы? "Кайтып килдем" русча ничек була?
-
23 яшьлек егет 2 айлык улын нигә үтергән? 6 апрельдә баланы ярып карыйлар.
-
Бу хәлдән соң чәчәк кибетендә эшләргә дә куркыныч.... Әмма күп тә үтми, кулындагы шешәсе белән аңа һөҗүм итә. Пыяла шешәсе ватылганчы кызны кыйный, туктамый.
Федераль Сабантуе батырларына - велобайк һәм автомобиль!

Федераль Сабантуйга көрәшчеләрдән гаризалар 8 июньгә кадәр кабул ителәчәк. Үз авырлыгында җиңүчеләр автомобиль уйнатуда катнаша алачак.
9 июньдә Новосибирск каласында XIX Федераль Сабантуй узачак. "Идел" журналы хәбәрчесе кулына Сабантуйның бизәге - татарча көрәш ярышларының нигзеләмәсе килеп эләкте. Нигезләмәгә Бөтендөнья татар конгрессы Милли шурасы рәисе Васил Шәйхразиев һәм Россия көрәш федерациясе президенты Җәүдәт Минннәхмәтов кул куйган.
Көрәш ярышлары 2002-2004 елларда туган яшьләр арасында һәм өлкәннәр арасында уздырыла. Үлчәү авырлыкларына килгәндә, яшь батырлар 45, 55, 65, 75, 85 һәм 110 кг.га кадәр авырлыкларда бил алышачак. Өлкәннәр исә 60, 70, 80, 90, 100 һәм 120 кг.га кадәр үлчәүләрдә көрәшәчәк. Бәйге Россиянең көрәш кагыйдәләре нигезендә бер җиңелүгә кадәр уздырыла. Үз авырлыкларында 1, 2, 3 урыннарны яулаган көрәшчеләр кубок, медаль, диплом һәм кыйммәтле бүләкләр белән бүләкләнәчәк.
Абсолют батыр исеме өчен дә көрәш булачак. Олылар арасындагы батыр кыйммәтле бүләк белән бүләкләнә диелсә, яшьләр арасындагы батыр велобайкка ия булачак.
Инде бәйгенең төп призы - автомобиль мәсьәләсендә килгәндә, анысы үз авырлыкларында беренче урыннарны яулаган көрәшчеләр арасында уйнатылачак. Машина уйнатуны Бөтендөнья татар конгрессы вәкиле уздыра.
Инде Новосибирскка юл тоткан беренче көрәшчеләр дә билгеле. Булат Әхмәдиев үз инстаграмында шунда юл тоту мизгелләре белән уртаклашты. Фотода көрәшчеләрдән Булатның үзен, Илнар Галиевны, Лениз Абдуллинны, Рөстәм Сибгатуллинны күрә алабыз. Муса Галләмовның да Новосибирскига җыенганын беләм. Башкортстаннан барырлармы - әлегә белмибез. Һәрхәлдә, "Идел" хәбәрчесе Артур Зөлкәрнәев белән сөйләшкән вакытта, көрәшче бернинди чакыру да, положение дә күрмәве турында әйткән иде.
Иң мөһим һәм кызыклы язмаларны Татмедиа Telegram-каналында укыгыз