"Фикер" клубында Мәхмүт Галәүнең “Болганчык еллар” һәм “Мөһаҗирләр” дилогиясе турында сөйләшәчәкләр

«Фикер» татар китабы клубы үз эшен дәвам итә. Чираттагы очрашу XIX-XX гасырлар чигендә татарларның 40 еллык тарихын үз эченә алган Мәхмүт Галәүнең “Болганчык еллар” һәм “Мөһаҗирләр” дилогиясенә багышлана. 

16 октябрь – “Болганчык еллар”, ТР Милли китапханәсе, 18:30 (Пушкина, 86). 
30 октябрь – “Мөһаҗирләр”, Шәрык Клубы, 17:00 (Татарстан, 8). 

Әсәрне алдан укып килү зарур. Ике очрашуда да актив катнашучыларга Г.Камал театрындагы “Мөһаҗирләр” спектакле премьерасына чакыру билетлары уйнатылачак.

“Фикер” татар китабы клубы – ул җанлы аралашу, сәхнә әсәрләрен уртага салып сөйләшү, әдәбият-театр дөньясына күз салу. Шәрык клубы Милли китапханә белән берлектә оештырган проектның максаты – фикердәшләрне үз тирәсенә җыеп, әсәргә театр күзлеге аша карау һәм тарих белән танышу, сүз ирегенә корылган җанлы аралашу.