Фотограф Рамил Галинең күргәзмәсе ачылды

Бүген "Татмедиа" мәгълүмат агентлыгында фотограф Рамил Галинең күргәзмәсе ачылды.

- Миңа гел алгы урында булу бәхете тәтеде.  Шуңа күрә ул фотосурәтләр тарих битләренә кереп калды. Әлеге бай материалымны күргәзмә итеп чыгару мөмкинлеген биргәнегез өчен зур рәхмәт,  - диде Рамил Гали оештыручыларга.

Шулай ук әлеге күргәзмә ачылышында "Татмедиа" агентлыгының генераль директоры Шамил Садыйков хәбәр итүенчә, тиздән Рамил Гали җитәкчелегендә фотостудия ачылачак. Журналлар тышлыгы төшерү өчен профессиональ яктылык белән җиһазландырылган махсус бүлмә булачак дип көтелә.