Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • 70 меңлек грант откан Наилә Галеева: “Ярты еллык мотивация алдым” 6-12 декабрь көннәрендә Казанда унберенче “Яшь татар лидеры мәктәбе” уздырылды. Россиянең 16 төбәгеннән килгән лидерлар “Идел” яшьләр үзәгенә җыелып, гамәли дәресләргә, лекцияләргә йөрделәр, шулай ук үзләренең проектлары турында фикер алыштылар. Нәтиҗәдә өч активистка акчалата грант бирелде. Без әлеге җиңүче яшьләр белән сөйләштек.
      30
      0
      0
    • Чизкейк рецепты «Идел» юбилеена классик Нью-Йорк чизкейгы пешерергә булдым. Чизкейк – Америка кухнясының традицион сые, соңгы елларда дөнья буйлап киң таралды.
      60
      0
      0
    • Анастасия Заворотнюк параличланган булуы турындагы хәбәр дөреслеккә туры килми Кичә бик күп матбугат чаралары актриса Анастасия Заваратнюкның гомерлеккә параличлануы турында язып чыккан иде. Мондый "фараз"ның чыганагы телеграм порталында булуы ачыкланды.
      160
      0
      0
    • Бүләк бирешү мәхәббәтне арттыра Никахны катлауландыра торган тагын бер күренеш бар бүген. Кызларыбыз, егетләребез утыз-утыз биш яшькә хәтле гаилә кормыйча яши. Матди максатларны беренче урынга чыгару бу.
      240
      0
      0
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      914
      0
      5

    Фәрит Мөхәммәтшин: "Пычрак алымнар куллану нәтиҗә бирмәячәк"

    Татарстан Республикасы Дәүләт Советы Рәисе Фәрит Мөхәммәтшин Татарстан Республикасы Матбугат көне белән котлады.

    Хөрмәтле журналистлар, газета һәм журнал редакцияләре хезмәткәрләре, ветераннар һәм яшь каләм ияләре, басма матбугатны әзерләүдә, чыгаруда һәм таратуда катнашучылар! Сезне һөнәри бәйрәмегез – Татарстан Республикасы матбугат көне белән чын күңелдән тәбрик итәм.

    Татарстан медиа-бергәлеге турында сүз барганда, соңгы елларда бу өлкәдә булган җитди структур үзгәрешләрне аеруча билгеләп үтәсем килә. Журналистлар берлеге кадрлар белән дә, оештыру ягыннан да ныгытылды, җәмгыять алдында җаваплылык артты. Татарстанлыларны борчый торган актуаль темаларга статьялар күбрәк чыга башлады. Конъюнктур материаллар саны кимеде.

    Монологлар урынына ачык, үткен һәм эмоциональ диалог алмашка килде, ул “нью-медиа” вәкилләрен, блогерларны, мессенджерларны, социаль челтәрләрдән файдаланучыларны актив җәлеп итә.

    Тулаем алганда, Россиядә һәм аннан читтә дә Интернет челтәре аша безнең республика турында мәгълүмат алучылар саны артып тора. Ләкин без шуны да беләбез, явыз кулларга килеп кергән очракта, массакүләм мәгълүмат чаралары куәтле коралга да әверелергә мөмкин. Шуңа күрә монда граждан позициясе чагылырга, һөнәри һәм сәяси өлгергәнлек булырга тиеш.

    Кадерле дуслар! Безнең алда бик зур бурычлар тора. Бер-бер артлы көтелә торган иҗтимагый әһәмиятле вакыйгаларда массакүләм мәгълүмат чаралары турыдан-туры катнашачак. Яңа электораль цикл старт алды. Сентябрьдә республика парламентына – алтынчы чакырылыш Татарстан Республикасы Дәүләт Советына депутатлар сайланачак. 2020 елда Татарстанда Президент сайлавы һәм муниципаль сайлаулар булачак.

    Реклама

    Шуннан соң Россия Федерациясе Дәүләт Думасына депутатлар өчен тавыш бирәчәкбез. Сайлау кампанияләренең мәгълүмат фоны сезнең хәбәрдарлык, мәгълүмат белән тәэмин ителгәнлек һәм битараф булмавыгызга бәйле. Сайлау барышында катнашучылар өчен аның позитив булуы мөһим.

    Республикада дәүләт хакимияте белән журналистлар берлеге арасында үзара эшчәнлек хәбәрдарлык нигезендә, конструктив диалог һәм копромисслар режимында алып барыла. Күппартиялелекнең ныгуы, сәяси конкуренциянең көчәюе шартларында башкача була да алмый. Әмма сайлау алды очрашуларында кемнедер “компроматлар сугышы” игълан итү, “кара пиар” белән шөгыльләнү кызыктырырга мөмкин.

    Шуны истә тотарга кирәк, тираж санына һәм гонорарга өметләнеп, пычрак алымнар куллану нәтиҗә бирмәячәк. Мәгълүматны һәрьяктан объектив бәяләү, тормышның тискәре һәм уңай якларын дөрес анализлау нәтиҗәсендә ирешкән уңышларны һәм эшлекле репутацияне саклап калу бик күпкә мөһимрәк.

    Кадерле дуслар!

    Һөнәри бәйрәмегез белән котлап, Татарстан медиа-бергәлеге вәкилләренә җаваплы хезмәтегез, аудиториягә хөрмәтегез өчен, гадел һәм үткен каләмегез, хак сүзләрегез белән кешеләргә ярдәм итүегез өчен чын күңелдән рәхмәтемне белдерәм. Сезгә яңадан-яңа иҗат уңышлары, күтәренке рух һәм исәнлек-саулык телим.

    Нравится
    Поделиться:
    Комментарии (0)
    Осталось символов:
    Реклама
    • Конкурс!
    • Сүз