Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Стресслы хәлләргә ни рәвешле ресурслар тупларга

    Габдулла Тукайның «Күңелле сәхифәләр» китабын тәкъдим итү кичәсе була

    2 декабрьдә 14.00 сәгатьтә Габдулла Тукай әдәби музеенда Тукайның «Күңелле сәхифәләр» китабын тәкъдим итү кичәсе оештырыла.

    «Габдулла Тукайның «Күңелле сәхифәләр» китабы беренче тапкыр 1910 елда Казанда «Сабах» нәшрияты, «Милләт» типографиясендә гарәп графикасында нәшер ителә. Анда «Гали белән Кәҗә», «Безнең гаилә», «Шаян Песи», «Ак Бабай» һ. б. шигырьләре тәүге тапкыр басыла. 2022 елда Татарстан китап нәшриятында әлеге басма Татарстан Республикасы Милли музее фондларында, Габдулла Тукай әдәби музее экспозициясендә тәкъдим ителгән нөсхәләренә нигезләнеп әзерләнгән», - диде «Татар-информ» хәбәрчесенә Тукай музее мөдире Гүзәл Төхвәтова.

    Китапның төзүчесе – Габдулла Тукай әдәби музее мөдире, филология фәннәре кандидаты Гүзәл Төхвәтова. Бу - беренче тапкыр Габдулла Тукайның үзе исән вакытта нәшер ителгән китапның репринт вариантларын кулланып әзерләнгән яңа форматтагы басма.

    Реклама

    «Гарәп язуындагы Тукай әсәрләренең тел-стиль үзенчәлекләрен кириллицада биргәндә аеруча характерлылары төп нөсхәдәгечә сакланды. Әйтергә кирәк, Казандагы Тукай әдәби музее Габдулла Тукай һәм аның чордашларының иҗатын, тормышын өйрәнүдә күпкырлы фәнни эшчәнлек алып бара. Музей фондындагы ядкярләр хакында күпсанлы фәнни һәм фәнни-популяр характердагы мәкаләләр басыла, конференцияләр һәм түгәрәк өстәлләр оештырыла», - диде ул.

    Аның әйтүенчә, Тукай әдәби музее эшләгән өлкәләрнең берсе – шигырь җыентыкларын Габдулла Тукай иҗатының аерым мөстәкыйль жанры буларак өйрәнү – Тукай фәненең яңа юнәлеше булып тора.

    «Узган ел бу юнәлештә Габдулла Тукай әдәби музее һәм Татарстан китап нәшриятының хезмәттәшлеге нәтиҗәсендә «Габдулла Тукай мәҗмугаи асаре» беренче тапкыр кириллицада басылып чыккан иде», - диде ул. Чарага керү ирекле.

    Чыганак: Татар-информ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Арктикага чакыру
    • Үзмәшгульләргә!
    • Уңайлы шәһәр мохите формалаштыру
    • Физик затларның керемен декларацияләү
    • Санкция чикләүләре шатларында Россиянең финанс системасы эшчәнлеге
    • Налог бурычларың турында хәбәрдар бул!
    • Наркотиксыз тормыш
    • Тәртип радиосын тыңла
    • 3-НДФЛны - 30 апрельгә кадәр
    • "Китап" радиосын тыңла!