Галимә Резеда Ганиева бакыйлыкка күчте

Бүген татарның олы галимәсе Резедә Кадыйр кызы Ганиева вафат булды. 

Әдәбият галиме, филология фәннәре докторы, профессор Резеда Ганиеваның вафаты турында мәгълүматны аның тормыш иптәше, галим Зөфәр Рәмиев раслады.

“Дөрес хәбәр. Авырый иде. Әмма бер дә үләр кебек түгел иде”, - диде ул.

Без Зөфәр абыйның, мәрхүмә якыннарының, туганнарының олы кайгысын уртаклашабыз.

Мәрхүмә иртәгә Казанның Самосырово зиратында җирләнәчәк.