ЮХИДИ Путинга нигә штраф салынмаганын аңлатты

10 август көнне Россия Президенты Владимир Путин Кырымда «Тень Вавилона» дип аталган мотоцикл фестивалендә катнашкан. Ил башлыгы әлеге фестивальгә үзе дә мотоциклга утырып килгән булган, ләкин юлда шлем кимәгән. Россия законнары буенча (12.6 оАП матдәсе) әлеге гамәл өчен 1 мең сум штраф каралган. Журналистлар ЮХИДИга әлеге хәлгә ачыклык кертүен сорап хат язган. Закон бозганы өчен президентка штраф салыначакмы, дигән сорауга ЮХИДИ хезмәткәрләре болай дип җавап биргән:

"Мондый килешенелгән, чаралар уздырылган вакытта, юл хәрәкәте туктатыла. Шуңа күрә гадәттә гамәлдә булган кагыйдәләрнең дә кирәге калмый. Фестиваль ачылышында катнашкан кешеләргә штраф салырга нигезебез юк", - диелгән полиция җавабында.

Фото: iz.ru