Гимадутдиновлар гаиләсен котлыйбыз!

Илсур Гимадутдинов та өйләнгән. Көрәшчеләр төркемендә шундый котлаулар күргәч, Илсур белән без дә сөйләшеп алырга булдык.

Соңгы елларда 28 яшьлек Кукмара егете Илсур Гимадутдинов үз үлчәү авырлыгында - җиңел категориядә лидерларның берсе. 2017 елда Россия чемпионы исемен яулый һәм спорт остасы исемен ала. Моңа кадәр әле ул өйләнмәгән иде, "завидный жених"лар исемлегендә йөрде.

Булачак тормыш иптәше Лилия белән Илсур абыйсының туенда таныша, шулай ук Кукмара кызы, үзеннән ике яшькә кечерәк икән. Көрәшне ярата.

Без яңа гына туган Гимадутдиновлар гаиләсен чын күңелдән котлыйбыз һәм бәхетле тормыш телибез! Илсурның үзенә дә яңа җиңүләр насыйп булсын!

Сүз уңаеннан, 7 февральдә Илсурның туган көне! Димәк, бүгенге туй - ул әле туган көнгә бүләк тә дип каралырга мөмкин. Тагын бер тапкыр котлыйбыз!