Гөлназ Сәфәрова үзенең зур яңалыгы белән бүлеште!

Бер сәгать элек кенә Гөлназ Сәфәрова үзенең Инстаграм аккаунтында тест рәвешендә телевидение мәктәбен ачачагын язып чыкты. Моңа хәтле көз көне аның инде телевидение буенча курслар алып барганы булган.

Телевидение мәктәбе балалар өчен булачак, ничә яшьлекләр өчен икәнлеге әлегә күрсәтелмәде. Әле ачылмаган килеш тә, комментарийларга язылу турында сорап яза башладылар. Күбесе танылган алып баручыга уңышлар тели, ә кайберләре студентлар өчен дә мондый курс булачакмы-юкмы икәнлеген белешә башлады. Әлегә сораулар күп: ни өчен нәкъ менә балалар өчен? Үзеннән кала тагын башка укытучылар булачакмы? Ачылышны кайчанга көтәргә?
Тиздән Гөлназ Сәфәрова бу турыда тулырак язар, дип уйлыйбыз.