-
Муса Җәлил һәм Илһам Шакировка багышланган «Татар уллары» мәдәният атналыгы марафоны игълан ителә Мәдәният атналыгы марафонынының идея авторы һәм җитәкчесе – Муса Җәлил премиясе лауреаты, Татарстанның халык артисты, Кырым Республикасының атказанган сәнгать эшлеклесе Гөлзадә Сафиуллина.
-
Татарстанда халыкның дүрттән бер өлешеннән кимрәге генә авылларда яши Росстат мәгълүматларына караганда, 2023 елның 1 гыйнварына Татарстан авылларында 930 126 кеше исәпләнелә.
-
Аксакаллар шурасы Милли мәдәниятләр һәм гореф-гадәтләр елына бурычлар билгеләде Татар-мөселман үзенчәлекләрен саклап калу, татар халкында дини-милли үзаңны үстерү максатында Шура үз алдына бурычлар куйды.
-
XIX Казан кинофестиваленең гариза бирү кампаниясе башланды Сайлап алу комиссиясе үз эшен июль башында төгәлли. Аннан соң конкурс программасы игълан ителәчәк.
-
«Котадгу белек» беренче тапкыр татарча басылып чыкты Бөтен төрки дөньяда инде күптән китап булып чыккан Йосыф Баласагуниның “Котадгу белек” әсәре татарча да басылды хәзер! “Безнең мирас” журналы Бөтендөнья татар конгрессы ярдәме белән бу зур эшне башкарып чыкты.
-
Рус телендә онлайн-мәдрәсә эшли башлады Онлайн-мәдрәсәләр бигрәктә яшь буын арасында зур популярлык казана.
-
Илһам оялаган җир: "Сандугач" китапханәсендә Гөлшат Зәйнашеваны искә алдылар Ачык микрофон форматында оештырылган чара шагыйрә Гөлшат Зәйнашеваның якты истәлегенә багышланган иде.
-
Тинчурин театры Дастаннар елын “Идегәй” спектакле белән башлый Татар халкының 500 еллык тарихы булган дастанны театрның баш режиссеры Туфан Имаметдинов сәхнәләштерә. Режиссер “Идегәй”не сәхнәгә куярга алынуын әсәрнең милли, әдәби, тарихи актуальлеге белән аңлата.
-
Стресслы хәлләргә ни рәвешле ресурслар тупларга
Гөнаһларыңны сөйләп тору кирәкме?
Тәүбә итүнең берничә шарты бар:
– Гөнаһ кылуны туктату.
– Гөнаһ кылганыңа ихлас үкенү.
– Башкача гөнаһ кылмаска ниятләү.
Шулай ук:
– Аллаһтан һәрдаим гөнаһларны гафу итүен сорау.
– Тәүбәнең кабул ителүенә өмет итү.
– Кемнедер рәнҗетсәң, аның кичерүен үтенү.
Дөньяда төрле хәлләр була. Үзеңнең гөнаһ кылуыңны аңлау – котылуга беренче адым. Чөнки гөнаһ агу кебек, ул җанны, рухны зәгыйфьләндерә, кешене бәхетсезлеккә илтә. Чын мөселман гөнаһ кылудан уттан курыккандай курка. Гөнаһ, кыска гына әйткәндә, Аллаһы Тәгалә әйткәннәргә каршы килү ул.
Исламда гөнаһлардан котылу өчен тәүбә итәргә, Аллаһтан кичерү сорарга кирәк.
Тәүбәләрнең кабул ителүе хакында Коръәннең "Фуркан" сүрәсендә ачык әйтелә:
"70. Мәгәр берәү тәүбә итеп иман китерсә һәм Коръән юлы белән изге гамәлләр кыйлса, өнә шундый кешеләрнең начарлыкларын яхшылыкка алмаштырыр, Аллаһ андыйларга ярлыкаучы вә рәхмәт кылучы булды.
71. Берәү тәүбә итеп Коръәнгә тотынып изге гамәлләр кыйлса: ул кешенең изге гамәлләреннән Аллаһ риза булып һәм гөнаһлары гафу ителеп Аллаһуга кайтыр.
72. Ул тәүбә итүчеләр ялганга шәһадәт бирмәсләр, вә гөнаһлы сүзләр сөйләүче, гөнаһлы эшне эшләүчеләр яныннан үтсәләр, аларга игътибар итмичә аларның гөнаһ эшләреннән баш тарткан хәлдә үтәрләр" (Ногмани тәфсире).
Хәдисләрдә әйтелүенчә, гөнаһ кылсаң, аны кешеләргә, хәтта якыннарыңа сөйләргә ярамый. Шулай ук кемнеңдер гөнаһлы гамәлләре турында сөйләвен кемдер бүтәннәргә таратса, алар барысы да гөнаһлы булыр, диелә.
Дильбар Булатова
tulpar.rbsmi.ru
Иң мөһим һәм кызыклы язмаларны Татмедиа Telegram-каналында укыгыз