"Голос дети"да чынлыкта кем җиңүче чыккан?

Тавыш чыкканнан соң «Беренче канал» «Голос.Дети» проектының алтынчы сезоны нәтиҗәләрен гамәлдән чыгарып җиңүчене яңадан билгеләргә булганнар .

Әлеге бәйгедә җырчы Алсу һәм эшмәкәр Ян Абрамовның кызлары Микелла җиңгән иде. Ләкин тавыш бирүгә тыштан йогынты булганы ачыкланды. Бик күп тамашачы  тавыш бирү результатлары белән килешмичә, интернетта тавыш куптарганнан соң, тавыш бирү системасын тикшерделәр һәм хәрәмләшү рас булып чыкты.

«Голос.Дети» проектының алтынчы сезон финалы турыдан-туры эфирга 26 апрельдә чыкты. Микелла Абрамовага тамашачыларның 56,5 проценты тавыш бирде. Аның көндәшләре Ержан Максимов һәм Валерий Кузаков иде.

Чынлыкта кем җиңүче булганны телеканал хужалары май азагында аерым тапшыру ясап әйтергә сүз биргәннәр.