Гомуми төрки тарих укыта башлаячаклар

Казахстан дәүләте миллилекне саклау, туган телне пропогандалауда яңа зур адымнар ясый. Яңа уку елынан мәктәпләрдә яңа бер фән - гомум төрки тарих укытылачак.

барлык мәктәпләрдә 8 сыйныфтан алып "Ортақ түрік тариxы" ("Гомуми төрки тарих") укытыла башлады. Бу хакта үзенең Facebook аккаунтында Халыкара Төрки академия президенты Дархан Кыдырали хәбәр итә. Бу турыда “Татар информ”агентлыгы яза.

“Тугандаш халыкларның мәгариф министрлары белән Бишкәктә узган очрашуда хупланган укыту әсбабы укыту программасына кертелде. Азәрбайҗанда һәм Төркиядә әлеге фәнне укырга теләүчеләр саны көннән-көн арта. Назарбаев интеллектуаль мәктәпләрендә апробация узган дәреслек барлык мәктәпләрдә дә 8 сыйныфның укыту программасына кертелде. Аны ирекле рәвештә укырга була”, - диелә хәбәрдә.

Халыкара Төрки академия президенты әйтүенчә, бу фән ярдәмендә балалар үз тарихларын тирәнтен белә алачак.