Гүзәл Уразовадан көзне яратырга 5 сәбәп

Көз көнен яратмаучыларны аңлау кыен түгел. Суык, юеш, соры күкле көзне бик әзләр үз итә. Иң популяр татар  җырчыларының берсе - Гүзәл Уразова көз көнендә депрессиягә бирелмәс өчен үз киңәшләре белән уртаклаша.

1. Бакчада алма һәм кабак өлгергән чор. Алардан шундый тәмле ризыклар пешерергә була 
2. Пледка төренеп кино карау гына ни тора?! Аягыгызга оекбаш киегез - шулай тагы да рәхәтрәк 
3. Кояшлы көн булса, урманга барыгыз. Көзнең бөтен матурлыгы - шунда.
4. Көзге фотосессия ясаганыгыз бармы? Алтынга төренгән паркларда бик матур итеп фотога төшәргә була.
5. Бер көнне өйдә генә уздырыгыз. Бер кайда да ашыкмый: туйганчы йоклагыз, тәмле чәй әзерләгез, күптән укыйсы килгән китабыгыны укыгыз... Мондый ял вакытында күп көч туплана: икенче көнгә сез зур җиңүләргә әзер булачаксыз.
Бик гади, әмма "эшли" торган пунктлар 
Көзләрегез ямьле узсын!

Фото һәм язма җырчының инстагрмыннан.