Логотип Идель
Яңалыклар

Идел чистарды. Бишбалта тирәсендә...

Казанның тарихи Бишбалта бистәсендә Идел елгасы яры буенда 400 экология волонтеры  яр буйларын чүп-чардан арындыру өмәсенә.

Казанның тарихи Бишбалта бистәсендә Идел елгасы яры буенда беренче тапкыр 400 экология волонтеры  җыелды. Ял итү максатыннан түгел – яр буйларын чүп-чардан арындыру өмәсенә.

Әлеге акция илкүләм экологик акцияләр кысаларында үткәрелде: кичә Түбән Новгородта, “Бөек елгалар” Халыкара фәнни-сәнәгать форумын үткәрү мәйданчыгында илкүләм “Русия суы” акциясе башлануы турында игълан ителгән иде. Шунда ук “Чиста Идел” марафонына да старт бирелде – тиздән Русия күләмендә “бөек рус елгасы көнен” бәйрәм итәргә җыеналар. Иделнең кайсы милләтнеке булуы ул кадәр мөһим түгел, тик елга чистарсын!

Экология чарасын башлап җибәргәндә Татарстан волонтерларын Рус географик җәмгыятенең Татарстан Республикасындагы төбәк бүлеге рәисе Дмитрий Шиллер сәламләде. “Шәһәрнең чисталыгына карата битараф булмавыгыз, аны ихлас яратуыгызны эш белән раславыгыз өчен эчкерсез рәхмәт сүзләрен җиткерәм. Сез шушы зур елганың кечкенә генә өлешен чистарак итү өчен тырышасыз!” - диде ул.

ТР Экология министрлыгы матбугат үзәге хәбәр итүенчә, нибары бер-ике сәгать эчендә Иделнең Бишбалта буендагы яры күзгә күренеп чистарды. Экология активистлары территориядән 200 капчык чүп-чар җыйнады. Җыелган чүп күбесенчә пластик һәм пыяла шешәләр, пакетлардан тора иде. Елга төбен чистарту белән А.А.Леонов исемендәге су асты фәнни-тикшеренү отряды аквалангчылары шөгыльләнде, ә ТР Экология һәм табигый ресурслар министрлыгының лаборатория хезмәткәрләре суны сынауга алды. Экспертиза нәтиҗәләре 5 көннән әзер булачак.

Текст после содержания указынный в настройках

«Идел» журналы 16+

Теги: Татарстан экология

Следите за самым важным и интересным в Telegram-каналеТатмедиа

Нет комментариев