ИДЕЛ - КОШЛАР ОЧЫШЫ БИЕКЛЕГЕННӘН

    8 июльдә Кремль яр буенда "Идел - кошлар очышы биеклегеннән" ("Волга от истока до устья с высоты птичьего полета") дип исемләнгән фотографияләр күргәзмәсе ачыла.

   Экспозициядә 200 дән артык рәсем бар, аларны ике энтузиаст вертолеттан һәм парапланнан ясаганнар. Самара егете Андрей Востров программист булып эшли, аның дусты Валерий Безрученко — галим. Алар икесе дә самолет һәм вертолетларны, парапланнарны фотога төшерү һәм пилотлаштыру белән мавыгалар. Мондый форматта алар инде 20 елдан артык эшли. Ә фотолары Мәскәүдә һәм башка шәһәрләрнең үзәк мәйданнарында күпсанлы күргәзмәләрдә күрсәтелде.

Егетләр "Инде"гә болай дип сөйләгәннәр. 

- Без пилотлар, һәм без бу матурлыкны үз күзләребез белән күргәч, бөтен Иделне кошлар очышы биеклегеннән күрсәтергә булдык. Иң матур урыннарны фотога төшердек. Аларның 90 проценты — вертолеттан, калганнары — моторлы парапланнан, - ди Андрей Востров.