Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    ИЛДАР КЫЯМОВНЫҢ ШИГЫРЬЛӘР КИТАБЫ ЧЫКТЫ

    Ниһаять, күптән көтелгән шигырь китабы дөнья күрде. Танылган журналист, Татарстан Яңа Гасыр каналының алыштыргысыз алып баручысы Илдар Кыямовның фәлсәфи, галәмәт матур шигырьләр язганын күпләр белми дә торгандыр.

    “Җырларымда – җирсүем” китабы Татарстан китап нәшриятында әзерләнде. Илдар Кыямовның әлеге нәшриятны сайлавы очраклы түгел. Ул хезмәт юлын студент елларында ук нәкъ биредә башлаган иде... Яңа китапка Илдар Кыямовның төрле елларда язылган йөзгә якын шигыре кергән. “Туган авылым мәктәбендә укыган дәвердә үк мин язучы булырга карар кылган идем. Әмма искәрмәстән илебезне тетрәткән, безнең гомергә килгән үзгәрешләр, ислах заманы, язучы булудан бигрәк, көнлекчегә әверелдерде. Берәүгә дә сер түгел: хәзерге чынбарлык шартларында әдәби иҗат белән шөгыльләнү бик сирәк кешеләргә генә насыйптыр, безнең буын кешеләре исә башлыча тормышын кайгыртырга, шәһәрдә яшәсә, торак дип тырышырга, җыеп әйткәндә, якты кояш астында үз урынын хәстәрләргә мәҗбүр”.

    Реклама

    Илдар шигырьләрне сабый чагыннан ук яза. Хәзер дә иҗаттан туктаганы юк. Тик менә артык тыйнаклыгы гына әлегә кадәр үз китабын укучыларына җиткерүдән тыеп килде. “Җырларымда – җирсүем” басмасы Илдар Кыямовның 50 яшьлеге уңаеннан, иганәчеләр ярдәме белән нәшир ителде. Китапның редакторы танылган шагыйрь Газинур Морат.

    Минем юатуны телисеңдер –
    Кул тыгалмыйм шул язмыш эшенә.
    Илаһи эш килми кодрәтемнән,
    Мин – бары тик гади кеше генә.

    Автор үзе әйтмешли, бу шигырьләрнең кайберләре күз яшенә дә манып язылган.

    Бик охшаган
    Безнең дөнья
    Кибеттәге
    Манекенга.
    Бертуктамый
    Сата, сата.
    Суыкларда
    Ката-ката.
    Манекенның
    Бетми эше:
    Кием ала
    Һәммә кеше.
    Гаҗәпләнәм,
    Күп уйлагач:
    Ул гел эшли...
    Гел ялангач...

    Шагыйрь журналист, гомумән киң кырлы шәхесне яңа китабы һәм якынлашып килүче юбилее белән котлыйбыз!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе