-
Татарстанның 6 шәһәре 510 миллион сум грант откан Татарстанның 6 шәһәре иҗтимагый киңлекләр булдыру өчен 510 миллион сум грант откан. Кече шәһәрләр һәм тарихи җирлекләр арасында уздырылган илкүләм бәйгедә катнашу өчен республикадан барлыгы 7 шәһәр гариза тапшырган булган.
-
Казанлылар бию батлында көч сынашты 18 августта Казан Мэриясе «Хәрәкәттә – бәрәкәт» проектының яңа форматын тәкъдим итте. «Чулпан» мәдәният үзәге каршындагы мәйданда татар халык биюе буенча «Батыр батл» узды.
-
«Уйнагыз, гармуннар!» бәйрәмендә гармунчылар парады алдыннан Фирдүс Тямаев барачак Быел бәйрәм Казан Кремленең Спас манарасы янәшәсеннән – 1 нче май мәйданыннан башлана. Гармунчылар парады Бауман урамы буйлап үтеп Камал театры янындагы мәйданга киләчәк
-
Кабан күле яр буенда татар драматургиясе турында фикер алышачаклар Татар китабы йортыннан дискуссияләр сериясе татар драматургиясе турында фикер алышу белән тәмамланачак. Йомгаклау очрашуы 19 нчы августта Кабан күле яр буенда узачак.
-
XVIII Казан Халыкара мөселман киносы фестивале: 44 илдән 625 гариза Казанда 7-11 сентябрь көннәрендә XVIII Казан Халыкара мөселман киносы фестивале узачак. Быел фестивальгә 44 илдән 625 гариза килгән. Татарстан исә 40лап кинокартина тәкъдим иткән, шуларның 14е программага кертелгән
-
“Безнең заман – Наше время” – дәүләт киләчәген кайгырта торган проект" Гран-при яулаучы ТР Президенты кубогына һәм 500 мең күләмендәге премиягә ия булачак.
-
Дәүләт архивының яңа бинасында ниләр бар? Тиздән Дәүләт архивының әлеге бинасына экскурсияләр уздырыла башлар дип көтелә.
-
Кыямовлар кыздыра проектыбызның яңа чыгарылышы Идел-online ютуб каналында "Кыямовлар кыздыра" тапшыруының чираттагы чыгарылышы дөнья күрде.
-
Стресслы хәлләргә ни рәвешле ресурслар тупларга
Җиләк уңсын дисәң (5 гади киңәш)

Кайчакта туктаусыз карап, утап, мыекларын кисеп торган хужалар да җиләктән уңмый. Җиләк үстерү кебек авыр хезмәттә уңыш балчыкка һәм һава торышына бәйле. Шулай да, җиләк уңышлы булсын өчен киләсе киңәшләр ярдәм итми калмас:
1. Җиләкнең сортын дөрес сайларга кирәк
Тиз өлгерә торган, уңышны бер елдан бирә башлый торган, вак, эре, кызыл, ал... Җиләкләрнең сортлары биһисап. Бакчагызда төрлеләрен утыртып карагыз, сортын билгеләп куегыз. Кайсысы җиргә яхшырак яраклаша, киләсе елларга шунысын утыртыгыз. Ваграк җиләк сортлары баллырак, ислерәк була.
2. Булган җиләк сортын ничек үрчетергә?
Җиләк мыегын гадәттә кара төстәге пакетка җыеп салкынча җиргә куялар. Ул анда тамыр җибәрә. Яки мыекларны үз көенә җирдә үстереп, тамыр җибәргәнен көтәргә була. Яз көне җиләкне күчереп утырканда тамырларны аерып ике урынга утыртырга да була.
3. Җиләкне кайчан утыртырга?
Иң яхшы вакыт август ае. Безнең як климатында якынча 20 августлар җиләк утырту өчен иң шәп вакыт.
4. Кая утыртырга?
Җиләк сарымсакны ярата. Аларны бер түтәлгә яки былтыр сарымсак утырган түтәлгә утыртырга була. Шулай ук суган һәм кыяр урыны да җиләк өчен шәп. Ә менә бәрәңге һәм кабак янына утырмасагыз яхшырак.
5. Җиләкне ничек сакларга?
Үскән вакытында җиләкне корткычлардан, кырыгаяктан һәм лайлачтан сакларга кирәк. Кызара башлагач, җиләккә кошлар ияләшә. Корткычлардан саклар өчен җиләк түтәле утыртасына көл сибү җитә, ә кошлардан саклау өчен җиләкне каплап тотарга яки гади генә карачкы ясарга була. Җиләк түтәле янына бер таяк кадап, җепкә кирәкмәгән ялтыравык CD диск элеп куйсагыз, кошлар түтәлгә якын килмәячәк.
Фото: Пиксбей
Иң мөһим һәм кызыклы язмаларны Татмедиа Telegram-каналында укыгыз