Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      855
      0
      5

    Илмир Төхвәтуллин дөнья чемпионатына бармый. Россия җыелмасы исемлеге

    Илмир Төхвәтуллин авыр җәрәхәт алган. Шунлыктан көрәш буенча Миңгәрдә узачак дөнья чемпионатына тиз генә алмаш эзләргә туры килә.

    Билгеле булганча, 23 июнь көнне Миңгәр Сабан туе кысаларында көрәш буенча дөнья беренчелеге һәм дөнья чемпионаты узачак. Дөрес, Татарстандагы иң масштаблы Сабан туенда ярышларның бары тик финалын гына күзәтеп булачак. Төп алышлар Идел буе физик культура, спорт һәм туризм академиясе базасында үтәчәк, ә яшьләрне, гомумән, шунда ук көрәштереп тә бетерергә ниятлиләр.

    Россия җыелмасы составында планетар масштабтагы көрәш бәйгесендә кемнәр яклаячак соң һәм көрәшчеләр инде әзерләнә башлаганмы? Әлеге сорау белән без Россия җыелма командасы баш тренеры Фәрит Шәйхетдиновка мөрәҗәгать иттек.

    - Көрәшчеләр әлегә махсус әзерләнмәде, чөнки Сабан туйлары чоры, атнасына берничә тапкыр көрәшәләр алар. Әзерлекләре әйбәттер дип уйлыйм. Шулай да иртәгә Казанга җыелып, инде максатчан әзерлек башлап җибәрәбез. Артык авырлыклардан котыласы бар, функциональ әзерлеккә китерү сорала. Яшьләр белән өлкән тренер Илһам Волков, олылар белән Вакыйф Дәүләтшин шөгыльләнәчәк.

    Реклама

    Кызганыч, спорт булгач, төрле хәлләр була. Кичә футбол уйнаган вакытта төп йолдызларыбызның берсе - Илмир Төхвәтуллин аягын сындырган. Хастаханәдә ята, операциягә әзерләнә. Үкенечле югалту бу. Аны алмаштыру өчен башта Россия чемпионатында икенче урында калган Наил Мөхәммәтҗановка мөрәҗәгать иттек, әмма ул, чын спортчы буларак, үзенең бик үк яхшы хәзерлектә булмавын әйтте һәм Төмәннән Россиянең спорт остасы Максим Морозовны тәкъдим итте. Максим иртәгә Казанга килеп җитәргә тиеш.

    Ә инде составка килгәндә, яшьләр арасында дөнья беренчелегенә түбәндәге көрәшчеләр әзерләнәчәк: Инсаф Габдрахманов (55 кг., Татарстан), Инсаф Хәкимов (60 кг., Чувашстан), Эмиль Мавлин (65 кг., Татарстан), Искәндәр Гарифҗанов (70кг., Татарстан), Артур Зарипов (75 кг., Башкортстан), Динар Әүхәдиев (80 кг., Татарстан), Эльвир Хисмәтуллин (85 кг., Башкортстан), Фарис Хуҗин (90 кг., Татарстан) һәм Альберт Сәхәбиев (110 кг., Татарстан)

    Олылар арасында узачак дөнья чемпионатында Россия җыелмасын түбәндәге көрәшчеләр якларга әзерләнә: Фирзәр Гыйниятуллин (60 кг., Татарстан), Рушан Ильясов (65 кг., Башкортстан), Ислам Фәлахов (70 кг., Татарстан), Артур Зөлкәрнәев (75 кг., Башкортстан), Ренас Кәлимуллин (80 кг., Татарстан), Максим Морозов (85 кг., Төмән өлкәсе), Айгиз Зәйнетдинов (90 кг., ХМАО), Раил Нургалиев (100 кг., Татарстан), Сергей Павлик (авыр үлчәү, Ульян өлкәсе)

    Күрәбез, узган ел дөнья чемпионнары булып танылган егетләрдән быел Ренас Кәлимуллин гына составка эләккән. Узган елгы чемпион Илмир Төхвәтуллинга исә терелүен, аякка басуын теләп калабыз.

    Фото: 2018 елгы дөнья чемпионаты җиңүчеләре russiakoresh.ru

    Нравится
    Поделиться:
    Комментарии (0)
    Осталось символов:
    Реклама
    • Конкурс!
    • Сүз