Илсөя Бәдретдинованың балачак хыялы тормышка ашкан, тик ул аңа шат түгел

Кечкенә Илсөя Бәдретдинова бәләкәй чагында шундый уңышка ирешермен дип бердә дә уйламагандыр. Көлке дә, моңсу да җырчы тормышы. Инстаграм битендәге соңгы постта ул шуны сөйли:

"Бүген гастрольгең 4 нче көне. Әле алда тагын 2 атна...
Красноуфимск шәһәреннән Караиделгә кайтып барабыз. Алда 6 сәгать юл.Юл буендагы кафега ашарга туктадык. 
Бәләкәй чакта әни белән шәхәргә бару зуууур бер бәйрәм кебек иде. Тәрәзәдән карап барасың шулай...40 км.ны... Бигрәк якын бит аның шәһәре дә. Ерааак барасы килә. Көннәр буе барасы килә. 
Килеп төшәсең дә столовыйга ашарга керәсең. Андаааа ниләр генә юк. Шундый зур бәхет бит бу. Өйдә хаман ит тә бәрәңге...бәлеш тә мантый...надаел инде...Ә мондаааа кәбестә салаты...
Шул вакытта ,меңәрләгән км.лар юлда йөреп,юл буендагы кафелардан башым чыкмас дип кем уйлаган әйме.
Тиле хатын! 
Нормальный нәрсә турында хыялланып булмаган микән ни?"

Текст үзгәртүләрсез алынды.