Илсөя Бәдретдинова ничек итеп дәвалана?

Илсөя Бәдретдинова эштә боегып утыручыларны авыр суларга мәҗбүр итә бит әле, җәмәгать. Җырчы хәзерге вакытта Төркиядә ял итеп йөри. Үз инстаграмында фотолар белән уртаклаша. 

Фотоларга караганда Илсөя апагыз бик матур урыннарда булган. Менә мәсәлән, түбәндәге фотода Төркиянең Анталия тирәсендәге Памуккале дигән тыюлык. Ул дөньяның иң матур һәм гаҗәп урыннары исемлегенә кертелгән (памук - мамык, кале - кирмән). Тау башыннан гейзерлар белән известь өскә чыккан да, бик матур ап-ак карга охшаган бассейннар ясаган. Мондагы су бик файдалы да әле. 

Җир җимереп эшләгәч ял итәргә дә була шул! Шөкер җырчыбыз ял итеп кенә калмый, гейзер суы белән дә, диңгез балчыгы белән дә дәвалана. Димәк кайткач, безнең өчен тагын да шәп программалар әзерлиячәк.

Илсөя Бәдрединовага шәп яллар телибез! Безнең өчен дә ял итеп кайт инде дип әйтәсе килә үзенә!