Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      840
      0
      5

    Ишегалларына ямь керә

    Татарстанда күп фатирлы йорт ишегалларын төзекләндерү буенча “Безнең ишегалды” программасы старт ала. Республика күләмендә гамәлгә куелган социаль әһәмияткә ия программаларның берсе бу. “Безнең ишегалды” проекты турында бүген ТР Министрлар кабинетында узган матбугат конференциясендә ТР төзелеш министры Ирек Фәйзуллин,  Татарстан Президенты ярдәмчесе Наталия Фишман сөйләде.
    Республикабыз буенча барлыгы тугыз меңгә якын күпфатирлы йорт ишегалды исәпләнә. ТР төзелеш министры Ирек Фәйзуллин әйтүенчә, өч ел эчендә аларны тәртипкә китереп, төзекләндереп бетерергә уйлыйлар. Шунысы мөһим: халык ишегалдын ничек күрергә тели, иң шушы мәсьәлә хәл ителәчәк. Моның өчен анкета ярдәмендә тавыш бирү оештырыла. Бу хакта Наталия Фишман сөйләде. Күпфатирлы йортларда яшәүчеләргә анкета өләшә башлаганнар инде. Бу эш 6 сентябрьгә кадәр дәвам итәчәк. Анкетада “ишегалдын ямьләндерүдә кайсы эшләр аеруча өстенлекле” дигән сорау язылган һәм берничә вариант тәкъдим ителә. Халык шуларны 1-10 балл белән бәяләргә тиеш. Һәр критерий буенча җавап та яза ала. Анкеталарны 8 сентябрь көнне сайлау участогына алыа килеп, махсус тартмага салырга кирәк булачак. Шулардагы җавапларга карап,  һәр ишегалды буенча теләк-тәкъдимнәр рейтингы төзеләчәк. Нәтиҗә ноябрь аенда ясалыр дип көтелә.
    Әлегә анкета бланклары 18 торак пунктта гына өләшенә. Моңа 14 шәһәр һәм дүрт бистә кергән: Казан, Чаллы, Азнакай, Әлмәт, Баулы, Бөгелмә, Буа, Алабуга, Зәй, Яшел Үзән, Лениногорск, Түбән Кама, Нурлат, Чистай, Васильево, Осиново, Кама Аланы, Җәлил бистәләре.
    Ишегалларын тәртипкә китергәндә асфальт җәю, тротуар ясау, машина кую урыннарын арттыру, коеларны алыштыру, яктылык белән тәэмин итү, балалар мәйданчыгы булдыру, яшелләндерү һ.б. күздә тотыла.

    Реклама
    Нравится
    Поделиться:
    Комментарии (0)
    Осталось символов:
    Реклама
    • Конкурс!
    • Сүз