Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    Ишәябез!

    “Идел” суларын эчкәннәрнең, шушы редакция һавасын сулаганнарның тормышында нинди үзгәрешләр булганны белә идегезме? Белмәсәгез, белеп торыгыз: безнең редакциядә берәр кайчан эшләгәннәр... бәби таба! 

    Әлеге кагыйдә репродуктив яшьтәге бүгенге/элекке хезмәткәрләргә бигрәк тә кагыла. Мисалга, әле узган атанада гына 2009-15 елларда “Идел” журналында эшләгән Рүзәл Мөхәммәтшинның икенчегә әти булуын язган идек. Ә бүген менә яңа шатлыгыбызны уртаклашабыз! Без тагын ишәйдек!

    Беренчедән,  “Идел”дә 2012 елдан бирле журналист булып эшләгән Энҗе Наматова (укучы аны Энҗе Басыйрова, Чәчәк Гәрәева һ.б. дип хәтерлидер) кичә, 10 февральдә МАЛАЙ тапты. Наматовлар гаиләсендә көтеп алынган беренче сабыйны редакциябез дә зарыгып көтте: гыйнвар урталарында ук, көн саен иртән эшкә килгәч, “Энҗебез әле бәбиләмәгәнме?” дип, бер-беребездән сорый башлаган идек. Ә Энҗебез – төпле кеше, ашык-пошык эшли торганнардан түгел, баласын да ул “җиренә” җиткереп, 3,5 килолы егет итеп дөньяга китергән! 

    Реклама

    Икенче шатлыгыбыз: шагыйрь һәм Татарстан китап нәшрияты мөхәррире Рифат Сәләх тә әти булган. СөбханАллаһ, өченчегә!!! Бу хакта без Рифатның инстаграмындагы битеннән белдек. Ул анда кызы Зәлифә тууын хәбәр иткән һәм “Р Ә Х М Ә Т !” дип язган фотосын куйган.  Рифат “Идел” редакциясендә моннан унбер еллар элек эшләде. Ә шифасы, күрәсезме, ничә елдан соң да бетмәгән! )))  Сәләховлар гаиләсендә апалары Сөмбел һәм Өммегөлсем сеңелкәшләре белән әниләре кайтканны түземсезләнеп көтә, ди.

    Сабыйларга бәхет, тәүфыйк, саулык бирсен Раббыбыз! Әти-әни тигезлегендә үссеннәр балалар!

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер