Кабан күле ярлары тагын да матурланачак

Кабан күленең рәсми инстаграм аккаунтында, яңа рәсемнәр барлыкка килде. Рәсемнәрдә Күлнең Мәрҗәни урамы ягы ничек ремонтланачагы күрсәтелгән. Бу як ярдан су буйлап 1,4 километр җәяүле юл салыначак.

Проект авторлары әйтүенчә, әлеге җәяүле юл дүрт зонага бүленәчәк: спорт, су, урман һәм күпер. Су буеннан җәяүле юл һәм су өстеннән йөри торган басмалар салыначак. 30га якын яңа объект барлыкка киләчәк. Шулар арасында амфитеатр, су чаңгысы спорты мәктәбе, йога мәйданчыгы һ.б.

Күл янын төзекләндерү инде быел тәмамланачак.