Кабан күле буенда ремонт эшләре бара. Нәрсә булачак?

Былтыр Кабан күленең бер ягын искиткеч матур итеп төзекләндергәннәр иде. Хәзер күлне Иске Татар бистәсе ягыннан ремонтлыйлар. Күл тирәсен төзекләндерү инде быел тәмамланырга тиеш.

Проект авторлары әйтүенчә, әлеге җәяүле юл дүрт зонага бүленәчәк: спорт, су, урман һәм күпер. Су буеннан җәяүле юл һәм су өстеннән йөри торган басмалар салыначак. 30га якын яңа объект барлыкка киләчәк. Шулар арасында амфитеатр, су чаңгысы спорты мәктәбе, йога мәйданчыгы һ.б.

Кабан күленең рәсми инстаграм аккаунтында яңа рәсемнәр барлыкка килде. Рәсемнәрдә Күлнең Мәрҗәни урамы ягы ничек ремонтланачагы күрсәтелгән. Бу як ярдан су буйлап 1,4 километр җәяүле юл салыначак.