ТАССР 100 ел
-
«Айфара» төркеме артистларын котлыйбыз!
«Ак каен», «Тулган ай», «Ә бүген синең туй»...Бу җырларны һәрберебез дә белә.
-
Эльмира Кәлимуллинага Татарстанның халык артисты исеме бирелде
«Син бу хакта хыялландыңмы, дип сорасагыз, җавап бирәм – юк, хыялланмадым да.»
-
Алия һәм Ришат Төхвәтуллиннар гаиләсендә шәп яңалык!
Алия һәм Ришат Төхвәтуллиннарның улы туган.
-
«Алтын каләм» конкурсына рәсми старт бирелде
Быел «Алтын каләм – Золотое перо» яшь журналистлар фестивалендә катнашырга барлыгы барлыгы 308 гариза килгән.
«Калеб» яшьләре "Карурман" спектакленә чакыра
Әлеге спектакльдә катнашучы артистлар бу әсәрне үзләре өчен дә, җәмгыять өчен дә яңалык дип бәялиләр. Салават Хәбибуллин аны «Игра престолов» сериалы белән чагыштырды
«Калеб» яңа буын җыены яшьләре яңа эпик әсәр тәкъдим итәчәк. Әлеге эскизны 2 декабрьдә сәгать 19.00дә Кариев театрында (Петербург урамы, 55 б) карап булачак.
Эскизның премьерасын 80 тамашачы гына карый алачак. Билетлар сатуга чыккан. Ләкин алар бик чикле санда. Оештыручылар әйтүенчә, спектакль 16+ яшь чикләре белән тәкъдим ителә.
«Карурман» спектакле эскизы — «Калеб» яңа буын җыены проектларының берсе. Аның идея һәм драматургия авторлары — Луиза Янсуар белән Резеда Гарипова. Режиссеры — Резеда Гарипова. Музыканы «Джуна» төркеме Зарина Вилданова белән берлектә әзерли. Артистлар — Тинчурин театрыннан Зөлфәт Закиров, Салават Хәбибуллин һәм Гүзәл Галиуллина.
«Идея буларак ике-өч ел элек башыбызга килде. Аны ачык һавада эшлисе килгән иде, чөнки мифологик яссылыгы бар. Анда — кешенең карурмандагы кебек җәмгыятьтә адашып йөрүе һәм асылына кайтырга омтылуы. Ул бүгенге заман мәсьәләләрен күтәрергә омтылыш белән иҗат ителгән. Андагы дөнья моделе бүгенге дөнья моделенә якын дип күзаллыйбыз. Безгә тамырларыбыз, милли идентификациябез кадерле», — дип анонслады спектакльне Луиза Янсуар «Татар-информ”да үткән матбугат конференциясендә.
«Идел» журналы 16+
Следите за самым важным и интересным в Telegram-каналеТатмедиа
Нет комментариев