Календарьга күз салыйк: кайсы көннәрдә ял итәбез?

Казанлылар, авыр эш көннәрендә сезне сөендерергә ашыгабыз. Еллык "ял көннәре календарен" тәкъдим итәбез.

Ватанны саклаучылар көне

22-24 февраль көннәрендә ял итәбез, чөнки бәйрәм шимбә, якшәмбе һәм дүшәмбегә туры килә.

Халыкара хатын-кызлар көне

Халыкара хатын-кызлар көнен якшәмбе көнне билгеләп үтәчәкбез, шуңа күрә шимбә, якшәмбе һәм дүшәмбе – 7 марттан 9 мартка кадәр ял итәбез.

Яз һәм хезмәт көне

Май бәйрәмнәре озак дәвам итә. Яз һәм хезмәт көне казанлыларга биш ял рәттән бүләк итәчәк: 1 майдан 5 майга кадәр, ягъни җомга көннән сишәмбегә кадәр яллар көтелә. Чәршәмбе - эш көне.

Җиңү Көне

Казанлылар Җиңү көненә 75 ел тулуны шимбә көнне, 9 Майда бәйрәм итсә, ә дүшәмбе, 11 майга кадәр исә ял итәчәк.

Русия Көне

Казанлыларга 12нче июньдә Русия көнен билгеләп үткәнче дүрт көн эшләргә туры киләчәк.

Корбан бәйрәме

Быел бәйрәм 31 июльгә туры килә. Хезмәт сөючеләргә: бу җомга. Шуңа күрә өч көн рәттән ял итәчәкбез: 31 июль, 1 һәм 2 августта.

Халыклар бердәмлеге көне

Киләсе өстәмә ял - 4 ноябрь.

Татарстан Конституциясе Көне

Ноябрь ае ялларга "саран". Халык бердәмлеге көненнән соң казанлылар нибары бер көн – 5 ноябрьдә эшли дә, ә 6 ноябрьдән өч көнлек ялга китә.

Ураза һәм шәһәр көне ничек соң дип сорыйсызмы? Алар 24 майда һәм 30 августта билгеләп үтеләчәк, әмма алар якшәмбе көненә туры килә һәм өстәмә ял көннәрендә ял булмаячак.

Тагын бер юаныч: казанлылар эштән җиде тапкыр бер сәгатькә иртәрәк китә ала һәм моның өчен аларга берни дә булмаячак. Рәсми рәвештә кыскартылган көннәр: 30 апрель, 8 май, 11 июнь, 30 июль, 3 һәм 5 ноябрь һәм 31 декабрь. Әгәр казанлылар ныклап эшләсә, узган елдагы кебек, 31 декабрьдә дә ял итү бәхетенә ирешәчәк.