Камал театрыннан селфи-бәйге

Октябрь аенда Казан метросында Камал театры поезды барлыкка килде. Поездның тышы Камал театры төсләре белән бизәлгән. Поезд гыйнвар уртасына кадәр йөриячәк. Шул форсаттан, театр яңа бәйге игълан итә. Бәйге шартлары турында театрның сайтында хәбәр ителә.

Бәйгедә катнашу өчен:

• 2 декабрьдән 20сенә кадәр театраль поезд янында селфи төшәргә;
• Фотоны ВКонтакте яки Инстаграмдагы (лента яки история) үзеңнең сәхифәңә урнаштырырга һәм #Театральныйпоезд хэштегы куярга. Аккаунт ачык булырга тиеш;
• Фотода Камал театрын @kamalteatr билгеләргә һәм сәхифәләргә язылырга.

Иң күп лайк җыючылар җиңү яулаячак. Бәйгенең нәтиҗәсе татар театрының туган көнендә — 22 декабрьдә игълан ителәчәк. Бәйгенең бүләкләр фонды: Камал театры тамгасы төшерелгән шарф, стена календаре, көндәлек һәм спектакльләргә чакыру билетлары.