Камал театрында легендар спектакльне 30 елдан соң янә сәхнәгә куялар

Җитмешенче елларда Марсель абый Сәлимҗанов куелышындагы  Кәрим Тинчурин пьесасы буенча "Сүнгән йолдызлар" спектакле бик зур уңыш белән барды. Бу әсәр янә Камал театры сәнәсенә менә. Премьераны февраль аенда карап булачак.

Төгәлрәк әйтсәк, 14, 15 һәм 16 февральдә.

Спектакльнең режиссеры - Фәрит Бикчәнтәев, рәссамы - Сергей Скоморохов, пластика буенча режиссеры - Ольга Даукаева. Спектакльдә Русиянең һәм Татарстанның халык артисты Алсу Гайнуллина, Русиянең атказанган артисты Дания Нуруллина, Татарстанның атказанган артисты Алмаз Сабирҗанов, шулай ук Эльвир Сәлимов, Алинә Мөдәрисова, Айгөл Абашева, Раил Шәмсуаров, Алмаз Борһанов һәм Казан дәүләт мәдәният һәм сәнгать институты студентлары катнаша.   Төп геройларның берсе Надир Мәхдүмне уйнаучы актёр: Алмаз Сабирҗанов.  

Камал театры матбугат хезмәте.