Логотип Идель
Яңалыклар

Камал театрында премьера

“Таңбатыр” әкияте дә көтелмәгән кызыклы борылышларга бик бай. Спектакль балаларга һәм гаилә белән карауга исәпләнгән.

Бүген, 24 декабрь, Галиәсгар Камал исемендәге Татар дәүләт Академия театрында «Таңбатыр» әкиятенең премьерасы була. Яңа спектакльне 30 декабрьгә кадәр һәм 5-6 гыйнварда да күрсәтеләчәк.

Хәзерге заман балаларын тапкыр тиеннәр, тырыш керпеләр, куркуын җиңгән куяннар хакындагы әкиятләр белән шаккатырып булмый. Аларны үзенчәлекле, фантазиягә бай сюжет-саспенслар җәлеп итә. Андый әсәрләрдә геройларның чиксез маҗараларын күзәтәсең, тын да алмыйча аларның язмышы өчен борчылып утырасың. “Таңбатыр” әкияте дә көтелмәгән кызыклы борылышларга бик бай. Әлбәттә, яшь режиссёр Олег Кинҗәгуловның бай фантазиясе һәм заманча сәхнә технологияләре спектакльнең  тәэсирен тагын да арттыра.   

Спектакль балаларга һәм гаилә белән карауга исәпләнгән.

Пьеса татар халык әкиятенә нигезләнеп язылган. Автор — Мансур Гыйләҗев, режиссер — Олег Кинҗәгулов, рәссам — Ләйсән Хөсәенова, хореограф — Нурбәк Батулла, композитор — Эльмира Галимова.

Чыганак һәм фотолар: kamalteatr.ru

 

Текст после содержания указынный в настройках

«Идел» журналы 16+

Следите за самым важным и интересным в Telegram-каналеТатмедиа

Нет комментариев