Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Төрле телләрдә шигырьләр

    Камал театрында Сәлимҗанов премиясен тапшырдылар

    Марсель Сәлимҗанов исемендәге республика премиясенең яңа лауреатлары билгеле.

    Комиссия әлеге премияне Камал театрының күренекле артисты Илдар Хәйруллинга, драматург һәм режиссер Салават Юзеевка һәм «Живой город» заманча сәнгатькә ярдәм фонды директоры Инна Ярковага бирергә карар итте.

    Лауреатларга премияне ТР мәдәният министры Ирада Әюпова тапшырды.

    Реклама

    Марсель Сәлимҗанов исемендәге республика премиясе 2014 елда гамәлгә куелды. Ул ике елга бер тапкыр өч кешегә тапшырыла. Күләме 200 мең сум.

    Премиянең 2015 елгы беренче лауреатлары — Камал театрының күренекле артисты Ренат Таҗетдинов, Әтнә театрын аякка бастырган легендар шәхес Гомәр Мәрданов һәм Түбән Кама театрына нигез салган шәхес, аның директоры Рөстәм Галиев.

    2017 елда премия Казан ТЮЗы коллективына, Минзәлә театры директоры Роберт Шәймәрдановка һәм вафатыннан соң драматург Ризван Хәмидкә бирелде. 2019 елгы лауреатлар — М. Җәлил исемендәге Опера һәм балет театры солисты Гөлнора Гатина, драматург Зиннур Хөснияр һәм Камал театры артисты Фәнис Җиһанша.

    Чыганак: Татар-информ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!