КАР... ТАГЫН КАР...

Бу атнада Казанда кар явуын дәвам итәчәк, кар капламының биеклеге артачак. Бу хакта КФУның Экология һәм табигатьтән файдалану институты метеорология, климатология һәм атмосфера экологиясе кафедрасы профессоры Юрий Переведенцев хәбәр итә.

"Бөтен гыйнвар дәвамында һава температурасы норма чикләрендә һәм бераз югарырак булды дип әйтергә мөмкин. Соңгы атна искәрмә булмаячак. Россия гидрометүзәге мәгълүматлары буенча, сишәмбе көндез минус 11 градус булачак, чәршәмбе - 10 градус, ә пәнҗешәмбе һәм җомга - минус 12 градус. Төнге температуралар уртача минус 13-14 градус булыр дип көтелә. Атна ахырына җылырак булачак. Шимбә көндез минус 8, ә якшәмбе - минус 6 градус булыр дип фаразлана ", - дип, китерә Переведенцевның сүзләрен университетның матбугат хезмәте.

Профессор шулай ук билгеләп үткәнчә, елның беренче ае Россиянең бөтен территориясендә карга мул булган. Югары уку йорты метеостанциясе мәгълүматлары буенча, инде 24 гыйнварга 60 мм явым-төшем яуган, бу гыйнвар нормасыннан 10 мм га артык. Соңгы өч көндә 13 мм кар яуган. Хәзер кар капламының биеклеге 48 сантиметр тәшкил итә.

"Безгә Төньяк Атлантикадан циклоннар килә, шуңа күрә кар бар, ә кырыс салкыннар юк", - дип өсти галим.